సిక్కోలులో ఇద్దరు మృతి.. ఐదుగురికి గాయాలు

ఈదురుగాలులకు రాలిన మామిడికాయలు ఏరుకోవడానికి అతను జూనియర్‌ కళాశాల సమీపంలోని మామిడి చెట్టు వద్దకు వెళ్లాడు. ఇంతలో వర్షం ఎక్కువ కావడంతో చెట్టు à°•à°¿à°‚à°¦ నిలుచున్నాడు. పిడుగు పడటంతో అక్కడికక్కడే చనిపోయాడు. నిరుపేదైన తవుడుకు భార్య, నలుగురు కుమార్తెలు ఉన్నారు. పార్వతీపురం, గుమ్మలక్ష్మీపురం, పాచిపెంట, జియ్యమ్మవలస, కురుపాం మండలాల్లో గాలులతో కూడిన వర్షం కురిసింది. ప్రకాశం జిల్లాలోనూ పెనుగాలులు బీభత్సం సృష్టించాయి. మూడు మండలాల ప్రజలను వణికించాయి. పలుచోట్ల చెట్లు నేలకూలాయి. ఇళ్లపై ఉన్న రేకులు ఎగిరిపోయాయి. పెద్దదోర్నాల మండలం కొత్తూరు సమీపంలో కర్నూలు-గుంటూరు జాతీయ రహదారిపై భారీ వృక్షం నేలకొరిగింది. జరుగుమల్లి మండలం కామేపల్లి, సతుకుపాడు, నేతివారిపాలెంలో ఈదురుగాలుల ప్రభావం అధికంగా కనిపించింది. కామేపల్లిలోని పోలేరమ్మతల్లి ఆలయానికి చెందిన రెండు షెడ్డులు, ఆలయంలోని ప్రహరీ కూలిపోయింది.