యురేనియం కోసం గుట్టుగా సర్వేలు

తాత్కాలికంగా సర్వే తవ్వకాలు నిలిచిపోయాయి. కర్నూలు జిల్లాలోని యాదవాడ గ్రామ పరిసరాల్లో పది రోజులుగా అపరిచిత వ్యక్తులు తిరుగుతున్నారు. ఆరా తీసిన వారికి, తాము ఢిల్లీకి చెందిన సౌత్‌ వెస్ట్‌ పినాకిల్‌ అనే సంస్థ తరఫున పనిచేస్తున్నామని చెప్పారు. మొదట్లో కాలువ ఒడ్లు, పొలం గట్ల దగ్గర పాయింట్లు వేసేవారు. అవి ఎందుకని రైతులు అడిగితే.. బోరు తవ్వకాలు చేపడుతున్నామని చెప్పేవారు. సరేలే అని రైతులు పెద్దగా పట్టించుకోలేదు. క్రమంగా తమ కార్యకలాపాలను వారు పెంచడం మొదలుపెట్టి, ఇప్పుడు రైతుల పొలాల్లోకి అడుగుపెట్టారు. పంట భూముల్లో పాయింట్లు వేయడానికి అనుమతించాలంటూ రైతులతో మాట్లాడుతున్నారు. అయితే, వారి అంగీకారం, అనంగీకారంతో సంబంధం లేకుండా, పొలాల్లో పాయింట్లు వేసుకొంటూ పోతున్నారు. ఇలా à°ˆ సర్వే తవ్వకాలు బాచిపల్లె, మిట్టపల్లె, కృష్ణాపురం సహా 20 గ్రామాల్లో చేస్తున్నట్లుగా తెలుస్తోంది. కర్నూలు జిల్లా వ్యాప్తంగా ఇప్పటికే 17 ప్రాంతాల్లో à°ˆ సర్వే శిబిరాలు చొచ్చుకుపోయాయన్న విషయం రైతులు, స్థానికుల్లో కలకలం రేపుతోంది.