గేయ రచయిత కందికొండ కన్నుమూత!

ప్రముఖ సినీ గేయ రచయిత  కందికొండ  యాదగిరి(49) కన్నుమూశారు. కొన్నేళ్లగా నోటి కాన్సర్‌తో పోరాటం చేస్తూ చికిత్స పొందుతున్న ఆయన వెంగళరావునగర్‌లోని తన ఇంట్లో శనివారం తుదిశ్వాస విడిచారు. కొంతకాలంగా ఆస్సత్రి ఖర్చులు చెల్లించలేక కుటుంబ సభ్యులు ఇబ్బందిపడుతున్నారు. పలు సందర్భాల్లో తెలంగాణ ప్రభుత్వం ఆయన చికిత్స కోసం ఆర్థికంగా సహకరించింది. కొన్ని సందర్భాల్లో తోటి గీత రచయితలు కూడా ఆయనకు అండగా నిలిచారు. 

కందికొండ మరణంతో చిత్ర పరిశ్రమ దిగ్భాంతికి లోనైంది. తోటి గేయ రచయితలు, సంగీత దర్శకులు ఆయన మృతి పట్ల సంతాపం వ్యక్తం చేస్తూ, ఆయన ఆత్మకు శాంతి చేకూరాలని కోరుతున్నారు. 

కందికొండ ఆత్మహత్య చేసుకున్నారనే వార్తలో నిజం లేదని కుటుంబ సభ్యులు వెల్లడించారు. అనారోగ్యం కారణంగానే ఆయన మరణించారని తెలిపారు.