సూపర్‌బగ్స్‌కు శిలీంద్రాలతో చెక్‌
విచ్చలవిడిగా యాంటీబయాటిక్‌ల వినియోగం వల్ల.. యాంటీబయాటిక్‌ నిరోధకతను సంతరించుకున్న బ్యాక్టీరియా పుట్టుకొస్తోంది! ఎన్నో దశాబ్దాలుగా మానవాళిని రక్షిస్తూ వస్తున్న యాంటీబయాటిక్‌ ఔషధాలు ఈ కొత్తగా పుట్టుకొస్తున్న జగమొండి బ్యాక్టీరియాను నిలువరించలేకపోతున్నాయి. భవిష్యత్తు భయానకంగా కనిపిస్తున్న ఇలాంటి తరుణంలో న్యూజిలాండ్‌కు చెం దిన మైక్రోబయాలజీ ప్రొఫెసర్‌ సియోక్సీ వైల్స్‌ ఒక శుభవార్త చెప్పారు. ఆ దేశంలో మాత్రమే కనిపించే ఒక ప్రత్యేకమైన శిలీంద్రం.. సరికొత్త, శక్తిమంతమైన యాంటీబయాటిక్‌ ఔషధాల సృష్టికి ఉపయోగపడుతుందంటెన్నారు. శస్త్రచికిత్సలు, అవయవ మార్పిడి చికి త్స, కేన్సర్‌ చికిత్స వంటివాటిని ప్రస్తుతానికి చాలా సులభంగా చేసేస్తున్నారు. దీనికి కారణం శక్తిమంతమైన యాంటిబయాటిక్‌ ఔషధాలు అందుబాటులో ఉండడమే. కానీ.. 2024 నాటికి ఈ యాంటిబయాటిక్‌ల ప్రభావాన్ని ఎదుర్కొని మరీ ఇన్ఫెక్షన్లు కలిగించే మొండి సూక్ష్మజీవులు పెరిగిపోతాయని, ఫలితంగా వా టికి భయపడి, వాటిని నిరోధించే యాంటీబయాటిక్‌ ఔషధాలు లేక సాధారణ శస్త్రచికిత్సలను కూడా చేయలేని పరిస్థితి ఏర్పడుతుందని ప్రపంచ ఆరోగ్య సంస్థ 2014లోనే హెచ్చరించింది. ఈ నేపథ్యంలోనే న్యూజిలాండ్‌లోని అవుటెరువాలో కనిపించే ప్రత్యేకమైన శిలీంద్రాల గురించి సియోక్సీ వైల్స్‌ వెల్లడించారు. ఈ శిలీంద్రాలకు మైకోబ్యాక్టీరియాను చంపే శక్తి ఉన్నట్టుగా తమ పరిశోధనలో తేలిందని వైల్స్‌ తెలిపారు. మైకోబ్యాక్టీరియా అంటే చాలా నెమ్మదిగా పెరిగే కుటుంబానికి చెందిన బ్యాక్టీరియా. క్షయను కలిగించే మైకోబ్యాక్టీరియమ్‌ ట్యూబర్‌క్యులోసిస్‌ ఈ కుటుంబానికి చెందినదే.
తొలితరం యాంటీబయాటిక్స్‌లో అత్యంత శక్తిమంతమైనది, ప్రభావవంతమైనది పెన్సిలిన్‌. అది పెన్సిలియమ్‌ రూబెన్స్‌ అనే శిలీంద్రం నుంచి తయారైనదే. అదే కోవలో న్యూజిలాండ్‌లో కనిపించే ఈ శిలీంద్రం కూడా కొత్త యాంటీబయాటిక్‌ ఔషధాల తయారీకి కీలకంగా ఉపయోగపడుతుందని వైల్స్‌ చెబుతున్నారు
Share this on your social network:
Related News
చిత్రం: ఉన్నది ఒకటే జిందగీ
నటీనటులు: రామ్‌.. అనుపమ పరమేశ్వరన...
కోల్‌కతా: ఈడెన్‌గార్డెన్‌ వేదికగా జరుగుతున్న భారత్‌-శ్రీలంక త...