ఒక మార్పు కోసమే ఈ పోరాటo

Share this on your social network:

Published: Saturday November 13, 2021

నెల్లూరు నగర పాలక సంస్థతోపాటు 12 మున్సిపాలిటీలకు ఈ నెల 15వ తేదీన ఎన్నికలు జరుగుతున్న విషయం తెలిసిందే. జనసేన పార్టీ తరపున అభ్యర్థులు ఈ ఎన్నికల బరిలో నిలిచారు. ఈ సందర్భంగా ఆ పార్టీ అధినేత పవన్ కళ్యాణ్ మీడియాతో మాట్లాడుతూ.. మరికొన్ని పురపాలక, నగర పాలక సంస్థల్లోనూ, ప్రజా పరిషత్తుల్లో వచ్చిన ఉప ఎన్నికల్లో జనసేన పోటీలో నిలిచిందన్నారు. ఒక మార్పు కోసమే ఈ పోరాటమన్నారు. జన సైనికులు పదవుల కోసం కాకుండా సేవచేయడానికే ముందుంటారని  విజ్ఞులైన మీకు తెలిసిన విషయమేనన్నారు. అన్ని వేళలా ప్రజల కోసం పని చేస్తూ,  ప్రజా సమస్యల పరిష్కారం కోసం పాటుపడేవారినే ఈ ఎన్నికలలో పోటీ చేయడానికి అవకాశం కల్పించామని పవన్ తెలిపారు. స్థానిక సమస్యలపై అవగాహనతో పాటు సామాజిక స్పృహతో పని చేసేవారిని స్థానిక సంస్థల ప్రతినిధులుగా ఎన్నుకొంటే ప్రజా గళం ప్రతిధ్వనిస్తుందన్నారు. జనసేన అభ్యర్థులకు ఓటు వేసి గెలిపించాలని పవన్ విజ్ఞప్తి చేశారు. 

Share this on your social network: