చలో విజయవాడ ఉద్యోగులకు సెలవుల కట్

Share this on your social network:

Published: Wednesday February 02, 2022

 చలో విజయవాడను భగ్నం చేసేందుకు ప్రభుత్వం కొత్త ఎత్తుగడ వేసింది. ఉద్యోగులను విజయవాడకు వెళ్లకుండా అడ్డుకునేందుకు వాళ్ల సెలవులను రద్దు చేసింది. ఫిబ్రవరి 3న విజయవాడ వెళ్లేందుకు పలువురు ఉద్యోగులు ముందుగానే సెలవులు పెట్టారు. అయితే ఈ విషయం ప్రభుత్వం దృష్టికి వెళ్లడంతో ఉద్యోగులకు సెలవులు ఇవ్వడం లేదని ప్రభుత్వం ఆదేశాలు జారీ చేసింది. ఉద్యోగులకు సెలవులు ఇవ్వొదంటూ జిల్లా అధికారులకూ కూడా ఆదేశాలు వెళ్లాయి. దీంతో పశ్చిమగోదావరి జిల్లాలో ఏ ఒక్క ఉద్యోగి కూడా సెలవు అనుమతి ఇవ్వొద్దంటూ అన్ని ప్రభుత్వ కార్యాలయాలకు జిల్లా కలెక్టర్ ఆదేశాలిస్తూ ఉత్తర్వులు జారీ చేశారు. నిబంధనలకు విరుద్ధంగా సెలవులు ఇస్తే తీవ్ర పరిణామాలు ఉంటాయని ఉత్తర్వుల్లో కలెక్టర్ హెచ్చరించారు.

Share this on your social network: