‘రాధేశ్యామ్’ మిక్స్డ్ టాక్ .. అభిమాని ఆత్మహత్య

కర్నూల్‌లో రవితేజ అనే ఓ వెల్డింగ్ కార్మికుడు ప్రభాస్ కు వీరాభిమాని. ప్రభాస్ ప్రతీ సినిమాను రిలీజ్ రోజునే చూడడం ఇతడికి బాగా ఇష్టం. తల్లి దినసరి కూలి. ఆ ఇద్దరే కుటుంబానికి జీవనాధారం. ‘రాధేశ్యామ్’ సినిమా విడుదల కోసం ఎప్పటి నుంచో ఆత్రుతగా ఎదురు చూస్తున్న రవితేజ విడుదల రోజునే సినిమా చూశాడు. సినిమాకి మిశ్రమ ఫలితం రావడంతో తన స్నేహితులతోనూ, తల్లితోనూ ఈ సంగతి చెప్పి చాలా బాధపడ్డాడట. శనివారం ఇంట్లో ఎవరూ లేని సమయంలో సీలింగ్ ఫ్యాన్ కు ఉరిపోసుకొని రవితేజ  ఆత్మహత్య చేసుకోవడం తీవ్ర కలకలం రేపింది. ఈ వార్త తెలిసిన రవితేజ స్నేహితులు, ప్రభాస్ అభిమానులు, ఇంకా పలువురు విచారం వ్యక్తం చేస్తున్నారు.