ఫ్ఘన్ నుంచి కుమార్తెలతో కలిసి భారత్‌కు

‘‘రోడ్డుపై నేను నడుస్తున్నప్పుడు వెనక నుంచి ఎవరైన వచ్చి పొడిచేస్తారని కానీ, నా కుమార్తెలను అపహరించుకుపోతారని కానీ భయంగా ఉంటుంది. ఇండియా నాకు చాలా ఇచ్చింది. కానీ నేనిప్పుడు à°ˆ దేశాన్ని విడిచిపెట్టాల్సిన అవసరం ఉంది. ప్రభుత్వం నుంచి నాకు సాయం కావాలి’’ అని ఫరీబా పేర్కొంది.

దేశంలో కరోనా విజృంభణకు ముందు ఫరీబా à°“ జిమ్‌లో పనిచేసేది. ఢిల్లీలో కరోనా ప్రభావం కారణంగా తన శరణార్థి కార్డు ప్రక్రియ కూడా నిలిచిపోయిందని తెలిపింది. ‘‘కరోనా మహమ్మారి కారణంగా నా కేసు పెండింగులో ఉంది. నా జీవితంపై భయంగా ఉంది. కరోనా కారణంగా దాచుకున్న డబ్బులు హారతి కర్పూరం అవుతున్నాయి. నా జీవితంలో చాలా భాగం పనిచేయకుండానే గడిచిపోయింది’’ అని ఫరీబా ఆవేదన వ్యక్తం చేసింది. వారి అక్కలకు పట్టిన గతి వీరికి (కుమార్తెలు)కు పట్టకూడదని కోరుకుంటున్నానని, కాబట్టే సాధారణ మానవ హక్కు అయిన రక్షణ కల్పించమని వేడుకుంటున్నానని ఫరీబా పేర్కొంది. 

తాలిబన్లకు కుమార్తెల అమ్మకం

 à°«à°°à±€à°¬à°¾ అకేమీకి 14 ఏళ్ల వయసులోనే వివాహమైంది. హెరాత్‌లో వివాహానికి à°“ వయసంటూ ఏమీ ఉండదు. ఫరీబా కంటే ఆమె భర్త 20 ఏళ్లు పెద్ద. ఫరీబా కుటుంబం ఆర్థిక సమస్యలతో కొట్టుమిట్టాడుతుండడంతో వివాహానికి అంగీకరించక తప్పలేదు. నిజానికి అతడు ఏం చేస్తాడనేది తన కుటుంబంలో ఎవరికీ తెలియదని భర్త గురించి చెప్పింది. పెళ్లయిన వెంటనే ఫరీబాకు కష్టాలు మొదలయ్యాయి. ఆమెను కొట్టడం, హింసించడం మొదలుపెట్టాడు. కొన్ని సార్లు నెలల తరబడి ఇంటికి వచ్చేవాడు కాదు. భార్యను à°’à°• పనిమనిషిలా చూసేవాడు కావడంతో తనను ఎప్పుడూ బడికి పంపలేదని ఫరీబా ఆవేదన వ్యక్తం చేసింది. తన అదృష్టం ఇంతేనని సరిపెట్టుకున్నానని వివరించింది. తర్వాత వారికి నలుగురు అమ్మాయిలు పుట్టారు. 

పెద్దమ్మాయికి 14 ఏళ్లు వచ్చినప్పుడు ఫరీబా కుటుంబం అప్పుల్లో కూరుకుపోయింది. దీంతో అప్పులు తీర్చేందుకు ఆమె భర్త కుమార్తెను 5 లక్షల ఆఫ్ఘానిస్ (4,225 పౌండ్లు)కు అమ్మేశాడు. ‘‘à°† సమయంలో మాకు ఎవరూ సాయం చేయలేదు. నేను ఏడ్వని రోజు లేదు. à°ˆ విషయం ఎవరికైనా చెబితే మిగతా ముగ్గురు కుమార్తెలను అమ్మేస్తానని బెదిరించాడు’’ అని నాటి ఘటనను గుర్తు చేసుకుంది. అయినప్పటికీ అతడు అక్కడితో ఆగలేదు. à°† తర్వాత 12 ఏళ్ల వయసునున్న రెండో కుమార్తెను కూడా అమ్మేశాడు. దీంతో ఫరీబా పోలీసులను ఆశ్రయించింది. తన కుమార్తెను వెతికి పెట్టమని వేడుకుంది. విషయం తెలిసిన ఫరీబా భర్త కత్తితో ఆమెపై దాడిచేశాడు