సచివాలయ పరీక్షల ప్రశ్నపత్రాల లీకేజీ!

ఆంధ్రప్రదేశ్‌ గ్రామ సచివాలయ పరీక్షల్లో భారీ బాగోతం చాపకింద నీరులా సాగిపోయింది. గురువారం ఫలితాలు ప్రకటించిన వెంటనే à°ˆ పరీక్షల్లో జరిగిన గూడుపుఠాణి బట్టబయలైంది. ఆంధ్రప్రదేశ్‌ పబ్లిక్‌ సర్వీస్‌ కమిషన్‌ కార్యాలయం కేంద్రంగా జరిగిన కుట్ర రాష్ట్ర వ్యాప్తంగా పాకినట్లు తెలుస్తోంది. సర్వీసు కమిషన్‌ ఉద్యోగులు కొందరు ప్రశ్నపత్రం సంపాదించి తాము ప్రయోజనం పొందడంతోపాటు రాష్ట్రవ్యాప్తంగా అనేక మందికి à°ˆ పేపర్లు అందజేసి ఉంటారని అనుమానాలు వ్యక్తం అవుతున్నాయి. గురువారం ముఖ్యమంత్రి వైఎస్‌ జగన్మోహన్‌రెడ్డి స్వహస్తాలతో విడుదల చేసిన ఫలితాల్లో కేటగిరి-1లో జి.అనితమ్మ(అనంతపురం) అనే యువతి టాప్‌ ర్యాంకర్‌à°—à°¾ నిలిచారు. ఏపీపీఎస్సీలో పరీక్షల వ్యవహారాలు చూసే కాన్ఫిడెన్షియల్‌ విభాగంలో ఔట్‌సోర్సింగ్‌ విధానంలో జూనియర్‌ అసిస్టెంట్‌à°—à°¾ అనితమ్మ పనిచేస్తున్నారు. కేటగిరి-3లో ఫస్ట్‌ ర్యాంకర్‌à°—à°¾ నిలిచిన దొడ్డా వెంకట్రామిరెడ్డి(ప్రకాశం జిల్లా పెద్దారవీడు మండలం)సొంత అన్న మల్లికార్జునరెడ్డి ఇదే ఏపీపీఎస్సీలో ఏఎ్‌సవోగా పనిచేస్తున్నారు. కేటగిరి-1లో మూడో ర్యాంకు కూడా ఆయనకే వచ్చింది. కేటగిరి-3లో రెండో ర్యాంకర్‌à°—à°¾ నిలిచిన వెన్నా మహేశ్వరరెడ్డి కూడా ఏపీపీఎస్సీలోనే పనిచేస్తుండటం గమనార్హం. అత్యంత ప్రతిష్ఠాత్మకంగా నిర్వహించిన సచివాలయ పరీక్షల్లో అంతా పకడ్బందీగా చేశామని ముఖ్యమంత్రి, అధికారులు బల్లగుద్ది చెప్పినప్పటికీ లోలోపల చాలా వ్యవహారాలు నడిచినట్లుగా à°ˆ ఫలితాలే చెబుతున్నాయి.